Gihingusgan sa Bureau of Jail Management and Penology (BJMP) Iligan City ang routine o search sa tanang mosulod sa jail facility aron mapugngan ang pagsulod sa mga kontrabando, ilabina ang illegal nga droga.
Sumala ni Jail Chief Inspector Carmelo A. Corsame, bahin kini sa standard security protocol sa pasilidad ug ginaaplikar sa personnel, mga bisita ug mga PDL nga gikan sa korte.
Dugang pa niya, nga maayo ang epekto sa ilang padayong drive batok sa illegal nga droga ug dili nila tugotan nga makasulod o magamit sa mga PDL ang mga gidili nga butang.
Tumong sa maong lakang nga mapalig-on ang seguridad sulod sa jail facility, mapugngan ang pagsulod sa illegal nga droga ug uban pang gidili nga butang, ug mapanalipdan ang mga PDL batok sa paggamit niini.
