Gipasabot ni Atty. Ana Liza Barredo Comelec Officer IV sa Commission on Election (COMELEC) Iligan City ang kahimtang sa Barangay ug Sangguniang Kabataan Elections o BSKE human gipirmahan ni Presidente Ferdinand Marcos Jr. ang balaod nga nag-postpone sa maong eleksyon.
Matud ni Barredo, nga ang postponement sa BSKE opisyal lamang kung nasakop kini sa probisyon sa bag-ong balaod ug adunay klarong petsa kung kanus-a ipahigayon ang sunod nga eleksyon.
Dugang pa niya, nga ang pag-postpone dili pasabot nga kanselado na ang BSKE, kundili gibalhin lamang ang iskedyul sa eleksyon subay sa balaod.
Gipasabot niini, nga ang kahimtang sa mga incumbent barangay ug SK officials samtang wala pa gipahigayon ang sunod nga piniliay, lakip ang mga lagda nga nagdumala sa ilang pagpabilin sa katungdanan.
Sa kataposan, gibutyag niini ang ka-importante sa pagtan-aw sa aktuwal nga probisyon sa balaod ug opisyal nga guidelines sa COMELEC aron malikayan ang sayop nga impormasyon bahin sa postponement sa BSKE.
