Nakarekord ang Bureau of Jail and Management (BJMP)-Iligan City og tulo ka insidente nga may kalabotan sa illegal drugs sulod sa jail facility sukad sa paglingkod ni Jail Chief Inspector Carmelo A. Corsame isip jail warden duha ka tuig na ang milabay.
Lakip ang usa ka babaye nga nadakpan human makaplagan nga adunay dala nga shabu. Gawas sa illegal drugs, pipila na usab ka insidente sa pagsulod og sigarilyo ug ubang kontrabando ang ilang nasinati.
Nagpasalamat si Corsame sa LGU-Iligan sa suporta, lakip ang paghimo og city ordinance nga naghatag og silot sa mga bisita, personnel ug PDL nga masakpan nga nagdala og kontrabando, nga gitumong sa pagpalig-on sa seguridad sulod sa jail facility.
