Gipasabot sa City Health Office o CHO ang proseso ug mga lakang sa pagpa-activate ug pag-avail sa mga benepisyo ubos sa PhilHealth YAKAP o Yaman ng Kalusugan Program.
Aron makagamit sa programa, unang kinahanglan nga adunay PhilHealth Identification Number o PIN ang miyembro. Kung wala pa, mahimong magparehistro pinaagi sa PhilHealth Member Portal o sa pinakaduol nga PhilHealth Local Health Insurance Office o LHIO.
Sunod, kinahanglan nga mopili ug magparehistro sa usa ka accredited YAKAP Clinic. Mahimo kini pinaagi sa eGovPH App, PhilHealth Member Portal, PhilHealth offices, o pinaagi sa napiling YAKAP Clinic. Ang listahan sa accredited YAKAP Clinics mahimong susihon pinaagi sa PhilHealth.
Human sa pagpili sa clinic, kinahanglan nga moadto ang benepisyaryo alang sa First Patient Encounter o FPE, diin himoon ang unang konsultasyon, health assessment ug pagkuha sa gikinahanglang impormasyon bahin sa kahimtang sa panglawas.
Ang tumong sa YAKAP mao ang pagdala sa mas sayo, mas accessible ug mas komprehensibong primary healthcare services ngadto sa mga miyembro sa PhilHealth ug ilang mga dependents.
