Igo pa sa gibana-bana nga 30 ka adlaw nga panginahanglan ang kasamtangang rice inventory sa National Food Authority (NFA) Zamboanga del Sur. Matud ni NFA Zamboanga del Sur Acting Branch Manager Rixon T. Velasquez, ang pagbana-bana gibase sa consumption requirements sa probinsya nga anaa ra usab sa ubos nga level.
Segun ni Velasquez, as of september 28, aduna pay 49,000 ka bags nga palay ug sobra sa 94,000 ka bags nga milled rice, nga niabot sa kinatibuk-ang 107,475 bags ang rice inventory sa NFA Zamboanga del Sur.
Dugang ni Velasquez, padayon nilang ginamonitor ang kahimtang sa ilang rice stocks aron masiguro ang igo nga suplay, ilabina sa mga lugar nga posibleng maapektuhan sa pagbag-o sa panahon.
Gipasiugda usab ni Velasquez, nga importante ang pagmentinar sa buffer stock aron adunay magamit nga suplay panahon sa kalamidad ug uban pang sitwasyon nga mahimong makaapekto sa pag-apod-apod sa bugas.
Samtang, padayon usab ang koordinasyon sa NFA Zamboanga del Sur uban sa mga Local Government Units (LGUs) aron mamonitor ang suplay ug panginahanglan sa bugas sa lalawigan.
