Gibuksan sa LGU Kumalarang ug sa Consulate General of Japan ang bag-ong panag-uban pinaagi sa pagpirma sa usa ka grant contract niadtong Septiyembre 29 para sa pagtukod sa usa ka rice post-harvest facility ug paghatag og rice milling machine.
Gipangunahan ni Mayor Ruel “Balong” G. Molina ug Consul General Ono Hirotaka ang kasabutan ubos sa Japan Official Development Assistance (ODA) program.
Tumong sa maong proyekto nga mapalambo ang agrikultura, masiguro ang lig-on nga suplay sa limpyo ug dekalidad nga bugas, ug mapauswag ang panginabuhi sa mga lokal nga mag-uuma.
Isip pasidungog, gipresentar usab ni Mayor Molina ang mga lokal nga produkto sa lungsod sama sa banig, inawl nga malong, ug preskong seafood ngadto sa opisyal sa Japan human sa seremonya.
Photo courtesy: MUNICIPALITY OF KUMALARANG, ZDS
