Dili lamang sa mga kalihokan sulod sa mining sites masukod ang responsableng pagmina, kundili lakip usab ang pamaagi sa industriya sa pagpakigpulong, pakiglambigit sa komunidad ug pagmintinar sa pagsalig sa publiko.
Mao kini ang gibutyag ni Chamber of Mines of Caraga Region Inc. President Engr. Francisco Arañes Jr. atol sa iyang opening statement sa media press conference nga kabahin sa 2026 Caraga Mining Summit.
Matud ni Arañes, ang responsibleng pag mina dili lamang nakasentro sa operasyon sulod sa mining sites, kundili lakip usab kung giunsa sa industriya ang pagpakigkulokabildo sa mga stakeholder.
Gipunting ni Arañes nga kabahin sa responsableng pagmina ang pagpadayon sa pagsalig sa publiko, ilabina pinaagi sa husto nga komunikasyon ug aktibong pakiglambigit sa komunidad.
Gipahigayon ang 2026 Caraga Mining Summit sa Gateway Hotel sa Barangay Luna, Dakbayan sa Surigao, nga adunay tema nga “Mining with Integrity: Transforming Challenges into Opportunities for a Resilient Future.”
