Nadakpan sa mga sakop sa Highway Patrol Group o HPG sa Dakbayan sa Butuan ang usa ka L300 van nga kargado sa smuggled nga sigarilyo, human kini wala mohunong sa checkpoint sa HPG sa Buenavista, Agusan del Norte.
Sumala sa inisyal nga impormasyon, gigukod sa mga personahe sa HPG ang maong sakyanan dihang wala kini mohunong sa checkpoint ug misutoy sa pagdagan.
Naabtan kini sa Purok 4B, Barangay Pinamanculan, dakbayan sa Butuan. Padayon pa ang pag-verify sa mga otoridad sa eksaktong gidaghanon ug kantidad sa mga nasakmit nga sigarilyo, lakip ang pag-ila sa mga responsable sa pagdala niini.
