Arestao El Un Soltero, Despues Man Sideline Bende Alegao Shabu Durante El Operacion Contra Illegal Droga Del Sdet Del Ps-1 Vitali Na Barangay Vitali.
Con El Suspechao Ya Identifica Como Si Niño Gabriel D. Alavar, 25-Anyos Soltero, Senior High Y Residente Del Mencionao Barangay. Na Mencionao Operacion, Ya Puede Confisca Con El Suspechao Valor Php6,800.00 De Alegao Shabu Inclujido El Dos Pedaso 100 Peso Marcao Sen.
Mientrastanto El Maga Alegao Shabu Ya Lleva Na Zcfu9 Para El Propio Examinacion Mientras El Suspechao Detenido Na Mencionao Estacion Del Pulis Para El Propio Despocicion.
