Gipahimangnoan sa Libungan Municipal Police Station o Libungan MPS ang publiko nga mag-amping sa matag post, click, share ug comment sa social media. Matud sa police station, dili angay baliwalaon ang bisan unsang online threat, hulga o content nga nag-awhag sa kapintasan, ug kinahanglan likayan ang pag-share o pag-endorso sa mga peligrosong materyal.
Kini uyon usab sa online-safety guidance sa Philippine National Police nga nag-awhag sa publiko nga “share with care” ug maghunahuna una sa epekto sa ilang mga gipost online.
Gipahinumdoman usab sa Libungan MPS ang mga makasugat og kadudahang online threat nga dili kini tubagon o dugangan og publicity. Mas maayong tipigan ang importanteng impormasyon sama sa screenshots o uban pang detalye ug ireport dayon sa hustong awtoridad aron mahatagan og tukmang aksyon ug imbestigasyon ang maong hulga.
