Padayon ang paglabay sa dakbayan sa Lapu-Lapu sa mga basura niini sa usa ka pribadong landfill sa lungsod sa Consolacion, diin gitugotan ang dakbayan nga makapadala og hangtod 200 toneladang basura matag adlaw.
Sumala ni CENRO OIC Jocelyn Abayan, mokabat sa 230 ngadto sa 250 tonelada ang makolektang basura sa Lapu-Lapu matag adlaw. Tungod niini, ang sobra nga 30 hangtod 50 tonelada ipadala sa dakbayan sa Bogo human ma-process sa Material Recovery Facility (MRF).
Lakip sa bag-ohay nga nakolekta ang kapin 12 toneladang basura atol sa coastal underwater clean-up sa dakbayan.
Photo courtesy:Wikipedia
