Pormal nang giablihan karung adlawa, Setyembre 28, 2026, ang duha ka Pasalubong Center nga nahimutang sa Tagawisan, Barangay Badas, ug sa Baywalk, Barangay Central, sa dakbayan sa Mati.
Ang pag-abli sa maong mga pasilidad naghatag og dugang oportunidad alang sa pagpalambo sa turismo ug pagpasundayag sa mga lokal nga produkto nga hinimo sa mga lumulupyo sa dakbayan.
Gilauman nga mahimong sentro kini sa pagbaligya sa mga lokal nga produkto ug mga pasalubong nga magrepresentar sa kultura, tradisyon, ug garbo sa mga taga-Mati.
Pinaagi sa maong inisyatiba, gilauman usab nga mas mapalambo ang lokal nga panginabuhian ug mas mapalapad ang oportunidad sa mga lokal nga negosyante ug magbubuhat sa produkto sa dakbayan.
