Nakakuha og “Strong” overall rating ang Lokal nga Pangagamhanan sa Midsayap sa FY 2026 Public Financial Management Assessment Tool o PFMAT sa Department of Budget and Management Region XII, human makarekord og average score nga 3.76.
Base sa assessment, “Very Strong” ang rating sa Comprehensiveness and Transparency ug Citizens’ Participation in the Budget Process, samtang “Strong” usab ang resulta sa ubang importanteng aspeto sa public financial management.
Gi-verify ug na-upload na sa DBM system ang mga dokumento nga may kalabotan sa resulta, lakip ang FY 2026 Public Financial Management Assessment Report, PFMAT, FY 2026–2028 Public Financial Management Improvement Plan, ug ang PFMIP Implementation Tracking Table.
Sumala sa lokal nga pangagamhanan, nagpakita ang resulta sa ilang padayong paningkamot sa responsable ug transparent nga pagdumala sa pondo sa publiko, lakip ang pagpalig-on sa partisipasyon sa mga lumulupyo sa proseso sa badyet.
Photo courtesy: Midsayap Infos
