Nasikop sa buy-bust operation sa kapulisan ang usa ka hamtong nga lalaki nga giila isip street-level individual, sa Purok Orchids, Barangay Poblacion, Alicia, Zamboanga Sibugay niaging adlaw.
Gipahigayon ang operasyon sa SDET sa Alicia MPS kauban ang ZSB 1st PMFC, PDEU-ZSBPPO, PIU-ZSBPPO, Zamboanga Sibugay MARPSTA ug 106th Infantry Battalion sa Philippine Army.
Nakuha gikan sa operasyon ang upat ka pakete nga gituohang shabu, nga gibana-banang motimbang sa usa ka gramo nga nagkantidad sa 6,800 pesos. Narekober usab ang marked money, genuine money, ug uban pang drug paraphernalia.
Gidala ang nadakpan sa Alicia Municipal Police Station alang sa dokumentasyon ug hustong disposisyon. Ang mga nakumpiskang drug items ipailalom sa qualitative ug quantitative examination sa Zamboanga Sibugay Forensic Unit.
