Hingpit nang giablihan ang Guicam Bridge, nga naghatag og mas sayon ug mas hapsay nga pagbiyahe ug koneksyon alang sa mga komunidad nga naggamit sa maong dalan.
Gipangulohan ang seremonya ni Fr. Jonathan Ortalla, SVD, uban sa mga opisyal sa LGU Olutanga nga gipangulohan ni Mayor Arthur Ruste ug Vice Mayor Arnel Ruste, mga representante sa LGU Mabuhay, St. Michael Parishioners, bridge personnel, consultants ug uban pang stakeholders.
Ang maong tulay mahimong agian sa mga sakyanan nga adunay gibug-aton nga hangtod 25 ka tonelada, nga gilauman nga makahatag og mas luwas ug mas kombinyenteng paglabay alang sa mga motorista ug delivery vehicles.
Giila kini isip usa ka importanteng lakang sa pagpalambo sa connectivity ug accessibility sa maong mga lugar. Ang pormal nga turnover ug ribbon-cutting ceremony sa Guicam Bridge pagahimoon sa laing adlaw.
