Nagpatuman og medical mission ang Philippine Coast Guard o PCG ug mga kauban niini alang sa mga residente sa Barangay San Juan, Sipaway, San Carlos City, Negros Occidental niadtong Septiyembre 21, 2026, isip kabahin sa ICARE Program sa ahensya.
Gipahigayon ang kalihokan sa Covered Court sa Barangay San Juan, diin gihatagan og libre nga medical consultation, mga tambal, bitamina, reading glasses ug tsinelas ang mga residente.
Apil sa nagpatuman sa kalihokan ang mga personnel sa Coast Guard Sub-Station San Carlos, kauban ang San Carlos CGK9, 1308th Auxiliary Squadron, 1302nd Auxiliary Squadron, ug usa ka volunteer doctor gikan sa LGU sa San Carlos City.
Ang kalihokan kabahin sa ICARE Program o Community Assistance, Awareness, Rescue and Response, and Enforcement, nga nagtumong sa paghatag og serbisyo ug tabang ngadto sa mga komunidad.
Gipasiugda usab sa PCG ang ilang pakigtambayayong sa lokal nga pangagamhanan ug sa PCG Auxiliary aron mas mapaduol ang mga importanteng serbisyo ngadto sa mga residente.
Photo courtesy: CGSS SAN CARLOS
