Gipamatud-an sa Department of Foreign Affairs kon DFA ang mga report bahin sa 14 ka Filipino nga gikatahong na-recruit sa Russia alang sa gubat batok sa Ukraine.
Matud sa DFA, nakahibalo sila sa report ug nakig-coordinate na sa mga foreign service post aron mapamatud-an ang impormasyon. Giingon ni DFA spokesperson Analyn Ratonel nga prayoridad sa gobyerno ang kaluwasan ug kaayohan sa mga Filipino.
Samtang, andam ang gobyerno sa paghatag og consular assistance kung gikinahanglan, subay sa balaod sa Pilipinas, international practice ug mga regulasyon sa nasod diin nahimutang ang mga Filipino.
Gipahinumdoman usab sa DFA ang mga Filipino nga nangitag trabaho sa gawas sa nasod nga mag-amping sa mga job offer ug susihon pag-ayo ang legalidad sa recruiters ug employers, ilabina kung adunay risgo nga ma-recruit ngadto sa foreign armed forces. Matud sa report, usa sa 14 ang gikatahong namatay, samtang usa pa ang giingong prisoner of war.
Photo Courtesy: Instagram
