Unom ka wanted person ang nadakpan sa nagkalainlaing operasyon sa South Cotabato Police Provincial Office o SCPPO sulod sa 24 oras, gikan alas 6:00 sa buntag sa Nobyembre 8 hangtod alas 6:00 sa buntag sa Nobyembre 9, 2026.
Base sa talaan sa SCPPO, siyam ka operasyon batok sa mga wanted person ang gihimo nga miresulta sa pagkadakop sa unom ka indibidwal, lakip ang unom usab ka laing wanted person nga natala sa report.
Samtang, upat ka operasyon batok sa pagpamaligya og mga sigarilyong gipasulod nga walay hustong papeles ang gihimo, diin nasakmit ang duha ka ream ug pito ka pakete sa sigarilyo nga gibanabanang mokantidad og 2,310 pesos ug 39 sentimos.
Sa pagpatuman sa mga lokal nga ordinansa, natala ang 118 ka nakalapas, diin 10 ang gipamulta og kinatibuk-ang 800 pesos, samtang 108 ang gihatagan og pahimangno.
Naghimo usab ang kapulisan og 102 ka checkpoint operations, diin 190 ka sakyanan ug motorsiklo ang gisusi ug 10 ka paglapas ang natala.
Padayon nga giawhag sa SCPPO ang publiko nga mosunod sa balaod ug mga lokal nga ordinansa, ug makigtambayayong sa kapulisan alang sa kalinaw ug kahapsay sa probinsya.
