Nadakpan sa hiniusang operasyon sa kapulisan ang usa ka lalaki nga nalakip sa Top 8 Provincial Level ug Top 5 Municipal Level Most Wanted Persons tungod sa kasong homicide sa Barangay Poblacion, Kiamba, Sarangani Province. Giila ang dinakpan sa alyas nga Ton-Ton, 28 anyos, ug residente sa Barangay Lomuyon, Kiamba
Gipahigayon ang operasyon sa 2nd Sarangani Provincial Mobile Force Company, kauban ang Kiamba Municipal Police Station, 1204th Regional Mobile Force Battalion 12 ug uban pang police units.
Gidakop ang suspek pinaagi sa warrant of arrest nga giisyu sa Regional Trial Court Branch 46 sa Alabel niadtong Oktubre 30, 2026, alang sa paglapas sa Article 249 o Homicide sa Revised Penal Code. Girekomendaran og 120 mil pesos nga piyansa ang maong kaso.
Sa pagkakaron, anaa na sa kustodiya sa Kiamba Municipal Police Station ang dinakpan alang sa dokumentasyon ug hustong disposisyon.
Photo courtesy: SPPO
