Patay ang usa ka barangay kagawad nga giila sa alyas nga “Gel,” minyo ug residente sa Barangay Mapno, Palapag, Northern Samar human kini pusila sa iyang kaugalingong pag-umangkon nga pulis didto sa naasoy nga lugar niadtong Huwebes, Setyembre 18, 2026.
Ang suspek usa ka Patrolman nga naka-assign sa 2nd Northern Samar Mobile Force Company ug residente usab sa Barangay Mapno. Sumala sa inisyal nga imbestigasyon, lima ka higayon nga mipabuto ang suspek gamit ang iyang 9mm nga armas de fuego, samtang lima ka basiyo nga bala ang nakaplagan sa dapit sa insidente. Personal nga kasuko ang gitan-aw nga posibleng motibo sa pagpamusil.
Boluntaryo usab nga mitahan sa mga otoridad ang suspek, dala ang iyang armas, tulo ka magasin ug 23 ka bala. Sa pagkakaron, anaa na siya sa kustodiya sa Palapag Municipal Police Station samtang nagpadayon ang imbestigasyon aron matino ang kompleong detalye ug motibo sa maong insidente.
