Hugot nga nagpahimangno ang Nabunturan Municipal Social Welfare and Development Office (MSWDO) ngadto sa mga ginikanan nga naggamit sa ilang mga anak nga menor de edad sa pagpanglimos kon mendicancy sa mga pampublikong lugar.
Sumala ni Nabunturan MSWDO-OIC Zaira Khrisna B. Tayabas, posibleng kuhaon sa buhatan ang mga bata ug dad-on sa center-based institution kung mapamatud-an nga gipasagdan kon napasagdan sa inahan ang bata ug nalambigit kini sa pagpanglimos isip intervention sa maong buhatan.
Gipasiugda sa MSWDO nga responsibilidad sa mga ginikanan ang pagpanalipod ug pag-atiman sa ilang mga anak, samtang ang buhatan andam nga mohatag og intervention ug angay nga serbisyo alang sa mga menor de edad nga mameligro tungod sa pagpanglimos.
