Mikunhod na ngadto sa 15.5 porsyento ang poverty incidence sa Zamboanga del Sur niadtong 2025, sumala sa pinakabag-ong datos sa Philippine Statistics Authority (PSA).
Kini subay sa gipahibalo ni Zamboanga del Sur Governor Divina Grace C. Yu atol sa iyang State of the Province Address (SOPA), isip kabahin sa selebrasyon sa ika-74 nga Araw ng Zamboanga del Sur niadtong Huwebes.
Ang 15.5 porsyento nagpasabot og dako nga pagkunhod kumpara sa 40.1 porsyento nga poverty incidence nga natala sa probinsya niadtong 2023 diin mokabat sa 24.6 percentage points ang nahimong pagkunhod sulod sa maong panahon.
Matud niya, ang pagkunhod sa poverty incidence resulta o long-term impact sa mga programa nga gipatuman ubos sa administrasyon sa kanhing gobernador nga si Victor J. Yu.
Gipakita sa datos ang pag-uswag sa kahimtang sa poverty incidence sa Zamboanga del Sur, samtang padayon ang pagpatuman sa mga programa alang sa kaayohan ug panginabuhi sa mga lumulupyo.
Photo Courtesy: VICTORY ZAMBOANGA DEL SUR
