Boluntaryong mitunol sa ilang kaugalingon ngadto sa kapulisan ang upat ka giila nga drug personalities sa managlahing mga lugar sa Merida, Alangalang, Villaba ug Calubian, Leyte niadtong Setyembre 16, 2026.
Ang mga boluntaryong pagsurrender gipadali sa Leyte Police Provincial Office (LPPO) ubos sa pagpangulo ni PCOL Celerino M. Sacro Jr., Provincial Director, pinaagi sa mga police station sa maong mga lungsod.
Sa Merida, misurrender si alyas “Bong,” 37 anyos, minyo ug drayber, residente sa Brgy. Mat-e. Sa Alangalang, misurender usab si alyas “Jun,” 43 anyos, ulitawo ug barber, residente sa Brgy. Cabadsan. Sa Villaba, mitugyan usab sa iyang kaugalingon si alyas “Gilbert,” 57 anyos, minyo ug walay trabaho, residente sa Brgy. Suba, samtang sa Calubian, misurender usab si alyas “Omar,” 23 anyos, ulitawo ug mangingisda, residente sa Brgy. Dalumpines.
Sumala pa sa LPPO, boluntaryong mitungha ang upat ka indibidwal ug misurender sa ilang kaugalingon nga walay pagpugos, hulga o pagpanghadlok gikan sa kapulisan. Human niini, gipapirma sila og Affidavits of Undertaking ug gipailalom sa hustong dokumentasyon ug pagproseso subay sa gitakdang pamaagi.
