Giawhag ang PhilHealth Iligan ug Lanao del Norte sa mga Iliganon nga dili na kinahanglan maghulat nga magkasakit una pa moduol sa YAKAP Clinic, isip lakang sa sayong pagpugong ug pagmonitor sa ilang kahimsog.
Kini ang giluwatang pamahayag ni Patrick Peñaranda, Head sa PhilHealth atol sa paghinabi sa Juander Radyo Iligan News Team. Matud ni Peñaranda, nga pinaagi sa YAKAP makabaton ang mga benepisyaryo og health profile nga makatabang sa pag-atiman sa ilang kaugalingon ug pamilya.
Libreng ma-avail sa mga benepisyaryo, ang konsultasyon, laboratory services ug mga giresetang medisina, nga makatabang sa pagpakunhod sa gasto sa mga pasyente.
