Gibansay og usa ka beauty care services sa TESDA Lanao del Norte ang mga Persons Deprived of Liberty o PDL sa Lanao del Norte District Jail, isip kabahin sa mga programa alang sa skills development ug rehabilitasyon.
Pinaagi niini, gihatagan ang mga PDL og praktikal nga kahibalo nga mahimong magamit nila sa umaabot nga panginabuhi, samtang gipalig-on usab ang ilang kumpiyansa sa kaugalingon.
Tumong niini nga matabangan ang mga PDL sa pag-andam alang sa mas maayong oportunidad ug positibong pagbag-o sa ilang kinabuhi.
