Girepresenta ni Municipal Mayor Ramses Troy Olegario ang LGU Ipil isip usa sa mga beneficiary municipality sa SMART-Sibugay Project atol sa formal signing sa Memorandum of Agreement o MOA nia sa ZSPI, Kabasalan niaging adlaw.
Nasayran nga ang SMART-Sibugay o Sustainable Mobility and Accessible Relevant Transport for Health, Emergency Response, and Disaster Resilience in Zamboanga Sibugay Communities usa sa mga proyekto nga gipondohan ubos sa DOST Smart and Sustainable Communities Program o SSCP, pinaagi sa partnership sa DOST Region IX ug TESDA Region IX.
Pinaagi sa maong proyekto, gilauman nga mapalambo ang mobility, transport access, health ug emergency response, ingon man ang disaster resilience sa mga komunidad. Importante kini aron mas maandam ug mas responsive ang lokal nga serbisyo panahon sa emerhensiya ug panginahanglan, ilabi na sa LDRRMO.
Nagpasalamat ang LGU Ipil sa DOST Region IX ug TESDA Region IX alang sa maong oportunidad ug suporta sa pagpalambo sa serbisyo sa komunidad.
Padayon usab ang LGU Ipil sa pakig-partner sa mga national government agencies ug partner institutions aron madala sa mga residente ang mga programa ug inisyatiba nga adunay praktikal ug dugang nga benepisyo alang sa katawhan sa Ipil.
