Nibalik na sa Toronto Raptors ang two-time NBA champion nga si Kawhi Leonard, pito ka tuig human niya gipangulohan ang team sa ilang unang kampyonato noong 2019. Human sa maong malampusong Finals, mibiya si “The Claw” sa Raptors, apan bisan pa sa makadaghang higayon nga nakaabot sa post-season sa ubang team, wala na usab siya nakakuha og laing titulo. Karon, mibalik siya sa Toronto aron makigduyog sa mga bag-ong magdudula sa maong koponan.
Aron makuha si Leonard, gipabayloan siya sa Raptors batok kanda Brandon Ingram, Gradey Dick, usa ka first-round draft pick, usa ka pick swap, ug pipila ka second-round picks. Nagdala si Kawhi og dakong kasinatian isip duha ka higayon nga Finals MVP—ang una sa iyang 2014 nga titulo uban sa San Antonio Spurs ug ang ikaduha sa 2019 uban sa Raptors.
Sa miaging season, nakapakita og maayong performance ang Toronto sa ilang 46-36 win-loss record (.561 winning percentage), apan natangtang sila sa Cleveland Cavaliers sa First Round sa Eastern Conference. Gilauman nga ang pagbalik sa beteranong forward maoy maghatag og dugang kusog ug pabilin nga kalampusan sa team, ilabi na sa umaabot nga post-season
Photo Courtesy: Clucthpoint
