Nagsumite na ang Department of Energy o DOE og sertipikasyon ngadto sa Development Budget Coordination Committee human nisaka sa 99.41 dolyar kada baril ang average nga presyo sa Dubai crude oil gikan Agosto 13 hangtod Septiyembre 11.
Subay sa datos, nilapas kini sa 80 dolyar nga threshold nga gitakda sa Republic Act 12316, nga mahimong basehan sa pagsuspenso o pagpaubos sa excise tax sa fuel.
Samtang, misaka na usab ang presyo sa petrolyo ning semanaha, diin 5.68 pesos kada litro ang gasolina ug 4.31 pesos ang diesel.
Gipasabot sa DOE, igo pa ang suplay sa nasod ug padayon usab ang pag-monitor sa mga gasoline station aron malikayan ang pagpahimulos sa pagsaka sa presyo.
Photo Courtesy: medium
