Nagpadayag og kabalaka si Mabolo Barangay Kapitan Atty. Daniel Francis Arguedo, sa planong pag-oktaba ug paglugway sa termino sa mga opisyal sa barangay ug Sangguniang Kabataan (SK) nga magpalugway sa katungdanan sa mga opisyal nga wala makahatag og maayong serbisyo.
Tungod niini, gibutyag ni Arguedo ang iyang baruganan pabor sa pagpahigayon sa eleksyon aron mahatagan og higayon nga masusi sa katawhan ang performance sa mga kasamtangang opisyal kon angay pa ba kining magpadayon sa ilang katungdanan.
Matod sa kapitan, nga ang piniliay maoy pamaagi aron masuta kung epektibo ba ang mga opisyal sa barangay atol sa ilang termino.
Ang pamahayag sa opisyal giluwatan niini human nga giaprobahan na sa Senado sa ikatulo ug katapusan nga pagbasa ang paglugway sa termino sa mga opisyal sa barangay ug SK ngadto sa lima ka tuig, nga moresulta sa pag-uswag sa gikatakdang BSKE sa 2026.
Photo courtesy: Nestor Archival
