Gisuspende sa Department of Agriculture o DA ang pag-export sa raw nga ube, lakip ang fresh ube ug mga planting materials, hangtod sa walay gitakdang petsa.
Tumong niini nga mapabilin sa Pilipinas ang mga materyales nga gamiton sa pagtanom samtang gipalambo pa ang produksiyon sa ubi sa nasod.
Matud ni Agriculture Secretary Francisco Tiu Laurel Jr., kulang pa mismo ang Pilipinas og planting materials ug dili gusto sa DA nga ma-export kini ngadto sa ubang nasod nga posibleng mogamit sa lokal nga klase sa ube ug mahimong kakompetensya sa Pilipinas.
Giingon sa ahensya nga mas paspas ang pagsaka sa demand sa ube kaysa sa abilidad sa nasod sa pagprodyus niini, busa gisuportahan niini ang research aron mapadaghan ang propagation ug makadevelop og dugang nga mga varieties.
Photo Courtesy: DA
