Napalgang patay ang usa ka 42-anyos nga habal-habal driver sulod sa iyang pinuy-anan sa Barangay Timolan, Tigbao, Zamboanga del Sur, alas 9:20 sa buntag niadtong nakalabay nga adlaw.
Base sa inisyal nga imbestigasyon sa kapulisan, ang anak mismo sa biktima ug ang usa ka higala maoy nakadiskubre kaniya nga nagbitay sa kahoy sulod sa ilang balay.
Gisulayan pa nila ug luwas ang biktima apan na pakyas kini. Narekober usab sa kapulisan ang usa ka sulat nga gituohang gibilin sa biktima sa wala pa siya maghunos sa kinabuhi.
Padayon pang gihimo sa Tigbao Municipal Police Station, Municipal Rural Health Unit ug Zamboanga del Sur Provincial Forensic Unit ang gikinahanglang pagsusi ug imbestigasyon sa maong hitabo.
Photo courtesy: The swaddle
