Malinawon ang kinatibuk-ang pagsaulog sa Bonok-Bonok Marajaw Karajaw Festival 2026, sa Dakbayan sa Surigao nga puno sa hudyaka, kalipay ug kalingawan ang street dancing ug Grand Showdown niadtong nakalabay nga adlaw.
Gipaniguro ang safety ug security measures nga gipangulohan ni PLTCOL Atty. Mariano Lukban, Hepe sa Surigao City PNP, kaabag ang line agency, ang Coast Guard Station Surigao del Norte (CGS SDN), BFP, CDRRMO, City Traffic Management Office, Red Cross ug uban pa isip suporta sa mga kalihokan.
Gisugdan kini sa street dancing ug ritwal nga puno sa kultura ug tradisyon. Pito ang misalmot sa Open Category samtang Lima sa Elementary Category Based, ang Grand Showdown sa may alas 4 sa hapon sa Provincial Sports Complex.
Ang pulong nga “Bonok-Bonok” kasagarang gilangkuban sa tradisyonal nga sayaw ug ritwal nga nagpakita sa kinabuhi sa karaang mga lumad. Ang “Bonok” nagpasabot og kusog o daghang ulan, samtang ang “Maradjaw Karadjaw” nagpasabot og “labing maayo”. Busa, ang ngalan sa pista nagdala sa ideya sa mga panalangin ug kaayohan alang sa komunidad
Sa paglabay sa panahon, kini nahimong dakong cultural festival sa Surigao City nga gipahigayon matag September 9, isip kabahin sa selebrasyon sa kapistahan ni San Nicolas de Tolentino.
