Gipahigayon ang Orientation sa Juander Radyo Loyalista Incorporated sa mga katawhan sa Barangay Cagniog, dakbayan sa Surigao. Gipadayag sa Juander Radyo News Team ang katuyoan sa organisasyon atol sa panagtigom sa mga Senior Citizen Office sa pagpangulo ni President Demeriano Achas kauban si Vice President Crisanto Aclo.
Dako usab ang pagpasalamat nga gisanong ang responsibilidad aron makatabang sa katawhan sa lugar. Atol sa maong panagtigom, gipatin-aw sa Juander Radyo Loyalista nga ang organisasyon usa ka non-partisan nga grupo nga walay gisuportahan o kalambigitan sa bisan unsang politiko.
Gipasabot usab nga ang inisyatiba nagtumong sa pagtinabangay ug pagpalig-on sa komunidad pinaagi sa boluntaryong kontribusyon nga 10 centavos ugaling adunay membro nga motaliwan.
Gipangulohan ang maong kalihokan ni Station Manager Kajuander Rolando Dungog, uban sila News Director KaJuander Mike “Bunal” Imbo, Anchorman/Newscaster Kajuander Josephine “Jogal’s” Galito, ug Patrol Driver Kajuander Joel Barahan.
Panawagan nga kinsa ang gusto nga bisitahan lugar, pundok o bisan indibidwal nga puyde magpa-membro sa Juander Radyo Loyalista. Mahimo nga mobisita sa Juander Radyo Surigao 97.3FM pangitaa lang si Eumeralyn Opelenia, Special Project Head.
