Madasigon nga gidawat ang pwersa sa Juander Radyo News Team-Surigao 97.3FM sa pagpangulo ni Station Manager Ka Juander Rolando Dungog, kauban sila News Director Ka Juander Mike “Bunal” Imbo, News Caster Anchor Josephine “Jogal’z” Galito, Anchorman Field Reporter Ka Juander Ruquilito “Bullseye” Ayento, ug Piloto Ka Juander Joel Barahan.
Nahimong mabungahon ang tigom sa senior citizen sa pagpangulo ni President Cyntia Bartolome ug mga opisyal kaabag si Kagawad Presilda Felicitas sa liderato ni Punong Barangay Greg Gorgod, sa Barangay Mabua, Dakbayan sa Surigao. Mapasalamaton usab kami sa Barangay Secretary Kang Mam Athel Zapanta nga aktibong naglista sa mga membro sa nasangpit nga Barangay.
Gipasabot ang katuyoan sa Juander Radyo Loyalista Inc., isip kabahin sa Corporate Social Responsibility sa RSV Broadcasting Network Incorporated ni CEO President Richard Soriano Villaronte.
Ang Juander Radyo Loyalista Incorporated usa ka non-partisan nga organisasyon nga nagtumong sa pag-awhag ug pagtinabangay sa tanang mga nanginahanglan susama sa death assistance para sa mga mutaliwan nga myembro pinaagi lamang sa contribution nga “10 sentabos” mamahimo ka nang makatabang sa atong mga kaigsoonan.
Giawhag nga kadtong gusto magpa-membro ug magpa-orient mahimong mobisita sa Juander Radyo Surigao 97.3FM sa Borromeo St., Barangay Taft, Surigao City. Pangitaa lang si Mam Eumi Opelenia.
