Nadakpan sa gikasa nga drug buy-bust operation sa kapulisan ang usa ka mananagat didto sa Brgy. Poblacion, lungsod sa Siocon, Zamboanga del Norte niadtong Agosto 20 ning tuiga. Naila ang dinakpan nga si alyas Naser, 39 anyos, minyo ug nalista isip Street Level Individual sa drug’s watchlist.
Nasakmit gikan sa dinakpan ang 1 ka gamay nga pakete sa shabu nga nagsilbing buy bust item ug 500 peso bill nga gigamit isip buy bust money.
Dugang narecover gikan sa iyang posisyon ang 6 ka medium sized nga pakete sa shabu, empty cigarette pack nga gisudlan sa druga, ug uban pang mga non-drug item. Motimbang sa 4 grams ang kinatibuk-ang narecover nga shabu gikan sa suspetsado nga nagkantidad ug Php27,200.00.
Gilusad ang maong operasyon pinanginahan sa mga personahe sa Siocon Municipal Police Station kauban ang 2nd PMFC ug 905th MC RMFB9 sa koordinasyon sa PDEA 9. Balhog sa selda sa Siocon MPS ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Istock
