Nabagnos sa sementadong kalsada ang duha ka drayber ug usa ka backrider, human malambigit sa disgrasya ang ilang duha ka motor nga nagbangga sa Purok 4, Barangay Togbongon, Dakbayan sa Surigao.
Base sa inisyal nga imbestigasyon sa kapulisan, usa ka pula nga Skygo 125 motorcycle nga gimaneho sa 47-anyos nga lalaki ang nagbiyahe sa National Highway padulong sa Barangay Mabini. Ang laing motorsiklo usa ka black Yamaha Sniper 155 nga gidrayban sa usa ka 20 anyos lalaki nga taga Purok 6, Barangay San Roque, Surigao City.
Adunay angkas 21-anyos lalaki moluoyo gihapon sa San Roque. Base sa inisyal nga imbestigasyon, nagbiyahe ang single motor skygo padulong Barangay Mabini, samtang kasugat ang Yamaha Sniper sa pikas lane.
Apan pag-abot sa lugar nahitaboan, kalit nga misimang sa pikas lane ang skygo ug nabangga kini sa Yamaha resulta sa pagkaaksidente. Tungod sa kusog nga impact, dakong damage ang naangkon sa duha ka sakyanan.
Samtang ang duha ka drayber ug back rider nga nabagnos sa kalsada daling gidala sa Caraga Regional Hospital alang sa medikal nga atensyon.
