Nahimo nang bahin sa kasaysayan sa Harvard Law School si Haben Girma, human siya mahimong unang deafblind nga nakagradwar sa maong eskwelahan niadtong 2013, bisan pa sa dakong mga hagit sa iyang pagkabuta ug pagkabungol.
Si Haben Girma, usa ka deafblind nga abogado ug disability-rights advocate, misulod sa Harvard Law School niadtong 2010 ug nakagradwar niadtong milabay nga tuig.
Sa wala pa siya naka-Harvard, nakasinati siya og problema sa accessibility samtang nag-eskwela sa Lewis & Clark College, ilabi na sa pagkuha sa impormasyon bahin sa pagkaon sa cafeteria.
Imbis nga pasagdan ang maong problema, iyang gigamit ang balaod aron mangayo og makatarunganong accommodation. Human siya moreklamo, gisugdan paghatag kaniya sa cafeteria sa menu pinaagi sa email aron makapili siya sa iyang pagkaon.
Sa Harvard Law School, migamit si Girma og digital readings, Braille display ug teknolohiya sa komunikasyon aron makasunod sa klase ug makapartisipar sa mga kalihokan. Sumala sa Harvard, siya ang unang deafblind student nga nakagradwar sa Harvard Law School.
Human sa iyang graduation, mipadayon siya isip tigpasiugda sa katungod sa mga persons with disabilities ug accessibility sa edukasyon ug teknolohiya.
Niadtong 2013, gihatagan usab siya og White House Champion of Change tungod sa iyang advocacy alang sa deafblind community ug edukasyon.
Photo Courtesy: Harvard Law School
