Nadakpan sa kapulisan ang usa ka high-value fugitive nga apil sa Top 8 Provincial-Level Most Wanted Persons atol sa joint manhunt operation pasado alas-8:00 sa buntag niadtong Septiyembre 6, 2026, sa Purok 4, Barangay Carromata, San Miguel, Surigao del Sur.
Ang operasyon gihimo sa mga personnel sa San Miguel Municipal Police Station ubos sa pagdumala ni PMAJ Joemel L. Maquiling, Chief of Police, ug kabahin sa pagpatuman sa Target Intelligence Packet (TIP) G-2020-09-001-PRO13-SDSPPO.
Ang nadakpan giila sa alyas “Jun Jun,” 36 anyos, minyo, drayber, ug residente sa maong lugar. Siya kasamtangang nakalista isip Top 8 Provincial-Level Most Wanted Person (Manhunt Charlie).
Gidakop ang suspek pinasikad sa Warrant of Arrest alang sa tulo ka counts sa Qualified Rape of a Minor nga may kalabotan sa Criminal Case Nos. 10060-26-FC, 10061-26-FC, ug 10062-26-FC.
Ang warrant gipagawas niadtong Hulyo 3, 2026, ug walay girekomendar nga piyansa alang sa maong mga kaso.
Sa pagkakaron, anaa sa kustodiya sa San Miguel Municipal Police Station ang nadakpan alang sa dokumentasyon ug hustong disposisyon, sa dili pa siya itugyan ngadto sa korte nga nagpagawas sa warrant.
Photo courtesy: San Miguel MPS
