Siyam ka mga indibidwal ang nadakpan sa operasyon batok sa iligal nga sugal nga lokal nga nailhan nga “Bulak” o “31 (Thirty-One)” sa Purok 1, Barangay Javier, Barobo, Surigao del Sur, niadtong Septiyembre 5, 2026.
Gipahigayon ang operasyon sa mga personnel sa Barobo Municipal Police Station ubos sa pagdumala ni PMAJ Andrew G. Lupian, Acting Chief of Police, isip kabahin sa gipakusgang kampanya sa kapulisan batok sa iligal nga sugal ug uban pang mga kalihukang supak sa balaod.
Nakumpiska atol sa operasyon ang usa ka set sa mga baraha nga gigamit sa card game, 4,270 pesos nga bet money, ug duha ka lighter nga kolor blue ug green
Gidala sa Barobo MPS ang mga nadakpan ug ang mga nakumpiskang ebidensya alang sa hustong dokumentasyon ug disposisyon.
Gipangandam usab sa kapulisan ang tukmang mga kaso batok sa mga nadakpan tungod sa giingong paglapas sa mga balaod nga may kalabotan sa illegal gambling.
Photo courtesy: Barobo Municipal Police Station
