Opisyal nang gisugdan niadtong Septiyembre 7, 2026, ang 14th Sangkaan Festival pinaagi sa usa ka madasigon nga Grand Parade nga gisalmutan sa 21 ka barangay nga sakop sa siyudad sa Tandag.
Nagkahiusa sa maong kalihokan ang nagkadaiyang grupo, organisasyon, institusyon ug mga partisipante aron ipakita ang ilang suporta ug aktibong pag-apil sa dakong selebrasyon nga naghatag og gibug-aton sa kultura, tradisyon, panaghiusa ug garbo sa komunidad.
Usa usab sa gipasiugda sa maong parada ang “Kengkoy,” nga nahimong usa sa mga makapadani ug makapalipay nga bahin sa kalihokan.
Gilauman nga magpadayon ang nagkadaiyang kalihokan alang sa 14th Sangkaan Festival 2026, diin gitumong nga mapalambo pa ang kultura, turismo ug panaghiusa sa mga lumulupyo sa siyudad.
