Malampusong nakabalik sa international competition ang Philippine Accessible Disability Services o PADS Adaptive Dragonboat Racing Team, human makadaog og walo ka gold medals ug usa ka silver sa 15th International Dragon Boat Federation Club Crew World Championships sa Hualien, Taiwan.
Gihimo ang kompetisyon gikan Agosto 29 hangtod Septyembre 6, diin kapin 5,500 ka atleta gikan sa 22 ka nasod ang misalmot.
Nag-una ang Omega Pain Killer-PADS sa Paradragon Division, diin nakakuha sila og gold medals sa PD1 ug PD2 categories sa 200-meter, 500-meter ug 2,000-meter races.
Mas nahimong makasaysayanon ang ilang kampanya human sila nakabuak og tulo ka world records sa PD2 200-meter Standard Boat, PD2 200-meter Small Boat ug PD2 2,000-meter Small Boat events.
Nag-una usab ang PADS sa Small Boat Open batok sa 28 ka grupo ug sa All Boat Types Open batok sa 45 ka grupo.
Photo courtesy: Proud Bisaya
