Nakabaton sang suporta ang mga pamilya sang taga- Isulan pinaagi sa “Walang Gutom Program” nga ginpatigayon sa Municipal Gymnasium sang Isulan, Sultan Kudarat, Septiyembre 2, 2026. Kabahin ini sang mga tikang sang Lokal nga Panguluhan agud mapabakod ang food security kag masabat ang kinahanglanon sang mga pamilya sa pagkaon kag nutrisyon.
Sa pagpanguna ni Mayor Bai Rihan Sakaluran, padayon nga ginasuportahan sang pamahalaang bayan sang Isulan ang mga programa nga nagahatag sang direkta nga bulig kag serbisyo sa mga pumuluyo.
Ginpatuman ang programa sa pakig-angut sa Department of Social Welfare and Development ukon DSWD Sultan Kudarat. Nagpasalamat man ang Lokal nga Panguluhan sa Provincial Government sang Sultan Kudarat, kay Governor Datu Pax Ali Mangudadatu, Vice Governor Prince Raden Sakaluran, kag Congressman Bai Ruth Sakaluran, sa padayon nga suporta para sa kaayuhan sang mga pumuluyo.
Pinaagi sa pagbinuligay sang Lokal nga Panguluhan, mga ahensya sang gobyerno kag mga lider, ginapaabot nga mas mapalapit pa ang serbisyo sa mga pamilya nga naga-kinahanglan.
Photo Courtesy: Municipality of Isulan- Bagong Isulan
