Mainiton nga gin-abiabi sang Sultan Kudarat State University ukon SKSU ang duha ka bag-o nga Private Sector Representatives sang unibersidad.
Ginpili bilang mga representante sang pribado nga sektor sa university sanday Gloria Fajardo, CPA, kag Atty. Emelly Herezo-Delos Santos.
Ginapaabot nga ang ila propesyonal nga eksperyensya, kahibalo, kag dedikasyon magabulig sa pagpalig-on sang mga programa kag partnerships sang SKSU.
Pinaagi sa ila pagserbisyo, ginapaabot man nga mas mapalig-on ang pagbinuligay sang unibersidad kag sang pribado nga sektor, ilabi na sa paghimo sang mga oportunidad nga makahatag benepisyo sa mga estudyante kag komunidad.
Ang pagtalana sa duha ka bag-o nga representatives kabahin sang panikasog sang SKSU nga mapalapad pa ang mga partnership kag mapauswag ang serbisyo sang institusyon.
Nagpaabot naman ang unibersidad sang mabungahon nga pagserbisyo halin sa duha ka representante nga sanday Fajardo kag Atty. Herezo-Delos Santos sa pagbulig sa pagkab-ot sang mga katuyuan kag misyon sang SKSU.
Photo Courtesy: Sultan Kudarat State University
