Gipadayag ni aktres Lovi Poe kung nganong wala pa niya ug sa iyang bana nga si Monty Blencowe gipakita sa publiko ang nawong sa ilang anak nga si Sloane.
Matud ni Lovi, desisyon nila sa iyang bana nga protektahan una ang privacy sa ilang anak, ilabina kay bata pa kini. Bisan og nagpaambit siya og pipila ka higayon sa iyang kinabuhi isip inahan, gipili gihapon sa magtiayon nga dili ipakita ang nawong ni Sloane sa social media.
Sumala sa mga report, dili man kontra si Lovi sa pagpakita sa iyang anak sa umaabot, apan gusto nilang sila mismo ang mopili kung kanus-a ang hustong panahon alang niini.
Si Lovi ug Monty naminyo niadtong 2023 ug unang nahimong mga ginikanan niadtong Oktubre 2025.
Photo Courtesy: Metro style
