Nisaka sa 117,952 ang na report nga kaso sa dengue sa tibuok Pilipinas gikan Enero hangtod Agosto 2026, sumala sa Department of Health kun DOH. Mokabat sa 41 porsyento ang pagkunhod sa maong ihap kumpara sa 201,533 ka kaso nga narekord sa samang panahon niadtong 2025.
Nangulo ang Central Luzon, Calabarzon ug National Capital Region sa mga rehiyon nga adunay pinakataas nga ihap sa dengue cases. Sumala sa DOH mahimong mosaka pa ang mga kaso sa umaabot nga mga semana tungod sa nagpadayong ting-ulan nga pabor sa pagpamuhi sa mga lamok nga nagdala sa maong dengue.
Giawhag sa DOH ang publiko nga wagtangon ang mga lugar nga mahimong puy-anan sa lamok ug magpakonsulta dayon kung makasinati og mga sintomas sa dengue.
Photo courtesy: Continental Hospitals
