Nadakpan sa mga personahe sa Siocon Municipal Police Station ang usa ka lalaking wanted sa kasong Attempted Homicide pinaagi sa gilusad nga joint intelligence driven operation sa Barangay A.L. Micubo, lungsod sa Siocon, Zamboanga del Norte niadtong Septyembre 3, 2026.
Giila ang dinakpan nga si alyas Jan, 35 anyos, ug nalista isip Top 2 Most Wanted Municipal Level. Gisikop ang akusado pinasikad sa warrant of arrest sa nasangpit nga kaso nga gipagula sa Regional Trial Court, 9th Judicial Region, Branch 27, Siocon, Zamboanga del Norte pinetsahan ug nobyembre 19, 2024.
Mokabat sa Php36,000.00 ang pyansa nga girekomendar sa korte ngadto sa akusado. Human nadakpan, gidala ang akusado ngadto sa kustudiya sa Siocon Municipal Police Station alang sa tukmang disposisyon.
