Nadakpan sa kapulisan ang usa ka 31-anyos nga giila nga high-value drug personality atol sa buy-bust operation sa Purok 6, Bay-bay 2, Barangay Dapdap, Barobo, Surigao del Sur niadtong Setyembre 2, 2026, pasado alas 11:30 sa gabii.
Gipangulohan ang operasyon sa Drug Enforcement Unit sa Barobo Municipal Police Station ubos sa pagpangulo ni PCPT Eric V. Dangate, Deputy Chief of Police, ug ubos sa superbisyon ni PMAJ Andrew G. Lupian, Acting Chief of Police.
Atol sa operasyon, narekober gikan sa suspetsado ang tulo ka heat-sealed transparent plastic sachets nga gituohang adunay sulod nga shabu, nga adunay total nga gibug-aton nga 0.98 gramos ug gibanabanang Standard Drug Price o SDP nga ₱6,664.
Ang nadakpan anaa na karon sa kustodiya sa Barobo MPS alang sa hustong disposisyon ug pagpasaka sa angay nga kaso tungod sa giingong paglapas sa RA 9165.
Photo courtesy: Barobo Municipal Police Station
