Sikop sa mga awtoridad ang Top 7 Regional Most Wanted Person tungod sa kasong Statutory Rape didto sa Purok 15, Barangay Guadalupe, Esperanza, Agusan del Sur, niadtong Septiyembre 2, 2026, sa may alas 11:10 sa buntag.
Gipahigayon ang malampusong operasyon sa Esperanza Municipal Police Station (MPS), uban sa pagtinabangay sa 1304th Regional Mobile Force Battalion 13 (RMFB13) ug Regional Intelligence Unit 13 – Provincial Intelligence Team (RIU-13 PIT) Agusan del Sur. Ang maong kalihokan ubos sa kamandoan sa Agusan del Sur Police Provincial Office (ADSPPO) sa pagpangulo ni Provincial Director PCOL Yahya Bustamante Yusup.
Kasamtangang anaa na sa kustodiya sa Esperanza MPS ang dinakpan alang sa tukmang dokumentasyon ug disposisyon sa dili pa kini itugyan ngadto sa natungdang korte.
Photo courtesy: PNP Agusan Del Sur Police Provincial Office
