Sikop sa mga awtoridad ang usa ka lalaki human makuhaan og gidudahang ilegal nga druga sa gipahigayon nga buy-bust operation sa Purok 2, Barangay Mangagoy, Bislig City Kagahapong adlawa, Septyembre 2, 2026.
Base sa kapulisan, nakuha gikan sa posisyon sa suspetsado ang upat ka pakete sa gituohang shabu. Lakip sa narekober sa maong operasyon ang usa ka ₱500 nga buy-bust money nga gigamit isip marked money.
Kasamtangang gihimo na sa kapulisan ang hustong pagproseso ug pag-dokumento sa mga nakuhang ebidensya. Mag-atubang ang suspek og tukmang kaso ubos sa Republic Act No. 9165 o ang Comprehensive Dangerous Drugs Act of 2002.
Padayon usab ang hugot nga kampanya sa kapulisan batok sa ilegal nga druga sa tibuok dakbayan sa Bislig.
Photo courtesy: RBB
