Gipaspasan og gihatagan og prayoridad sa Department of Public Works and Highways o DPWH ang pag-ayo sa guba ug karaang Manila-Cavite Road sa Noveleta, Cavite, aron MAHUMAN kini sa dili pa ang Undas holidays sa Nobyembre.
Matod ni Public Works Secretary Vince Dizon, misaka na sa hapit 50 porsyento ang accomplishment sa proyekto gikan sa unom lamang ka porsyento niadtong Hulyo. Gipadayon ang trabaho 24 oras kada adlaw aron mapadali ang pagkumpleto niini.
Gihimug-atan ni Dizon nga gihatagan og prayoridad ang proyekto tungod sa grabeng trapiko nga giantos sa mga motorista ug commuters tungod sa hinay nga pag-uswag sa pag-ayo sa dalan.
Samtang gipatuman sa DPWH ang direktiba ni Presidente Ferdinand Marcos Jr. nga PASPASON ang mga nahunong ug dugay nang mga proyekto sa imprastraktura aron mapagaan ang adlaw-adlaw nga pagbiyahe ug kinabuhi sa mga Pilipino.
Photo Courtesy: Twitter
